Природата е нашиот најголемо богатство, место каде што бегаме од секојдневието, се поврзуваме со себе и со другите и ја црпиме енергијата што ни е потребна.
Планините, езерата и шумите не се само локации за одмор, туку живи екосистеми во кои сме само гости. Тие постоеле долго пред нас и треба да се зачуваат за генерациите што доаѓаат.
Кога кампуваме, шетаме или ловиме риба, нашето присуство остава трага, прашањето е дали таа трага ќе биде позитивна или негативна.
Ако не внимаваме, еден заборавен отпадок или незгаснат оган може да предизвика сериозни последици.
Затоа, важно е да се потсетиме: природата не ни припаѓа нам, ние ѝ припаѓаме неа. Таа е наш дом, а ние сме само нејзини привремени жители. Нашата задача е да ја чуваме и почитуваме.
Еве 10 едноставни, но моќни совети со кои секој кампер и љубител на природата може да придонесе за почиста и поубава Македонија:
-
Секогаш носи ќеса за отпад – не оставај ништо зад себе.
-
Собери повеќе отколку што си донел – ако видиш отпад, земи го.
-
Користи метални или стаклени шишиња наместо пластични.
-
Избегнувај еднократни прибори – понеси си сопствен прибор.
-
Гаси го огнот целосно – не оставај жар зад себе.
-
Не оставај остатоци од храна – тие привлекуваат животни и ја загадуваат природата.
-
Чувај ја водата чиста – не миј садови или облека директно во река или езеро.
-
Користи соларни ламби и батерии – наместо еднократни батерии или бензински светилки.
-
Остави го местото подобро отколку што го нашол – секогаш размислувај како твоето присуство ќе влијае на природата за следните посетители.
-
Внеси ја оваа култура кај другите – инспирирај ги пријателите и семејството да прават исто.
Ако сите вложиме мал напор, заеднички ќе имаме почиста и поубава Македонија.
